放下征服心態,感受大自然的純粹:大嶼山鳳凰徑4日走營 - HikeExit & Play Hard Hong Kong



MAMMUT山川連載】放下征服心態 感受大自然的純粹:大嶼山鳳凰徑4日走營

編輯:Mammut Hong Kong & Play Hard Hong Kong

受訪:HikeExit





由阿奶、Eddie、Step三位朋友一起組成的HikeExit,早前完成了大嶼山鳳凰徑全走,不同於競技性質高、相對常見的越野跑方式,這次他們花了4日以走營方式完成此次旅程。連日強風和陣雨令旅程增添更多回憶,腳下的路也許模糊,但大家目標一致,一步步踏實地走過體驗更多。放下征服山頭的心態,用徒步旅程紀錄當下的大嶼


以下是簡單訪問,分享他們這次旅程的心得:


是什麼原因讓你們開始有了鳳凰徑全走的念頭?


答:我們希望以徒步嘅方式留住我哋大嶼山嘅回憶,因為今日嘅大嶼未必有太大嘅改變,但明日甚至五年後嘅大嶼山就未必係今日嘅面貌,所以希望透過今次嘅旅程留低屬於我哋三個同大嶼山嘅回憶









隊友之間工作角色如何分配?


答:我哋比較好有三個人,所以喺行裝上面可以互補不足,例如三個人就用兩個營,盡量減少大家背囊嘅重量,將不必要嘅盡可能都省卻



旅途中,你們有沒有遇到意想不到的難關?你們是如何克服?


答:今次旅程入邊相信最大挑戰係天氣,因為我哋出發前天氣一直都唔穩定,最記得第一日嘅旅程我哋要翻過大東山及鳳凰山兩座高峰,幸好嘅地方係只遇上強風未遇上雷暴,喺強風嘅情況下我哋需要用行山杖支撐身體才能繼續向前,可以話係每一步都得來不易。





鳳凰徑中,甚麼大自然景色最令你們印象深刻?


答:令我們最印象深刻嘅風景,有三個:


第一係動物,喺貝澳通往梅窩嘅狹窄山路當中,我哋同四隻大水牛迎面相遇,當時候落住大雨大家都停滯不前,最後我哋嘗試同佢溝通表示我哋讓路請佢哋向前,最後真係成功令我感覺到佢哋嘅靈性。


第二係,沿路上有好多朋友與我哋分段同行,大家無懼天氣享受一齊去做一件事嘅感覺,令我哋好深刻,另外路上我哋會經過唔同嘅士多解決我哋三餐,村落嘅士多往往都會有一份人情味,對於我哋每日活喺城市來講,一切都係旅途上嘅美景。


第三係天氣變化,記得第二日嘅行程我哋當日需要由安昂坪前往二澳,早上去穿越高山晚上下降到海邊,當早上經歷過全身濕透全程於雲霧中行走,心想今日都係咁樣渡過,最以想不到嘅係晚上當扎好帳幕後,風向突然轉變天空呈現出一片星空,令我感受到大自然嘅奧妙。





長距離徒步+走營,最重要的裝備是甚麼?你們如何挑選?


答:我哋覺得裝備最重要係舒適,因為面對緊嘅係長距離嘅路程,假如一對鞋一個背囊有稍稍嘅唔舒服都會影響到你全程嘅表現,營具都係一樣有啲人會鍾意越細越輕越好,但亦有人鍾意大嘅空間感,所以裝備最緊要係適合自己令自己舒服先會有好嘅表現好嘅心情去走完全程。


對於阿奶最重要嘅裝備係帳幕,因為攝影器材已經喺背囊佔據咗一定嘅重量,所以選擇嘅營必須要夠輕。


對於Eddie最重要嘅裝備係行山鞋,因為身型相對比較高大,長距離路程對於佢腳部負重都係一個關鍵,所以佢會選擇緩沖力比較好嘅行山鞋。


對於Step最重要嘅裝備係背囊,因為女仔身形比較輕,要背著大背囊行走幾日,一個適合佢身形用嘅背囊就係佢最重要嘅裝備。





如果再重新來過一次,你們會如何安排這次的徒步旅行?


答:如果要再選擇一次,我哋同樣會選擇出發,旅途入面令我哋感覺到真正活着喺大自然入邊,如果可以再plan一次的話可能會想留多幾日,因為今次徒步好有一種久違嘅旅行感覺。



這趟旅程給你們最大的啟發是甚麼?


答:人只係大自然入面嘅其中一位過客,放下征服嘅心態去挑戰大自然,嘗試用融入活著嘅心去感受山林中的每一個細節,可能會發現更多身邊嘅感受,山不在高更在於意!









MAMMUT 品牌介紹


發源於1862年瑞士,最初為製造專業攀山繩公司,經歷近160年的傳承與變革,逐漸發展成為攀山領域的頂尖戶外品牌,擅長將安全與舒適的解決方案表現於產品細節中,以精緻工藝及WE CARE企業環保政策享譽全球,深受世界各地戶外探險者喜愛。