防水風褸清潔指南&洗劑及撥水劑推介

防水風褸清潔指南!

 

防水風褸可謂戶外必備,每人都應該最少有一件,咁防水風褸應該點樣清潔保養?

原來其實唔難,只要做好準備跟住步驟,喺屋企都可以自己搞掂。

防水風褸清潔保養五步驟!

1. 清空啲袋、拉埋拉鍊、fing走啲塵。


2. 使用機能性服飾專用洗劑:坊間戶外用品店都有售,選擇唔會影響防水外套透氣功效嘅專用洗劑,例如德國Fibertec Pro Wash Eco,就可以安心在家自己洗啦。記得唔好用一般洗衣粉因為可能容易殘留喺布料上,或者可能會破壞布料嘅功能性。


3. 設定洗衣機模式:一般攝氏30度以下、中低轉速清潔就可以!最好可以過多次水,徹底洗走洗劑,等防水風褸維持最佳防水同透氣能力。


4. 放入乾衣機低溫烘乾:注意保養標籤嘅溫度,烘乾30-40分鐘係最佳乾衣方式。


5. 視乎需要加返撥水劑:最後,喺風褸外面輕輕噴啲水,觀察水喺布料上嘅狀態:

 

- 如果呈現水珠狀表示面料撥水效果都OKAY,暫時唔需要添加撥水劑。

- 如果水分滲入可以加返撥水劑強化撥水能力。

 

⭐️要注意撥水劑嘅選擇,坊間有噴式同浸式兩種,噴式撥水劑記得要喺戶外空間使用另外為咗環境著想,我哋都應該選擇無氟嘅產品,例如Fibertec Textile Guard Eco Wash-In,成分無氟且可生物降解,係對環境較友善嘅選擇。

 

 

 

❗️注意事項❗️

1. 切記清洗防水風褸過程,絕對唔可以用柔順劑,因為柔順劑會封住布料上嘅微小孔洞,將會嚴重影響防水風褸嘅透氣功能。

 

2. 注意每次清洗前都要留意衣物嘅保養標籤,根據選用洗劑、撥水劑嘅使用說明操作。

 

3. 如果防水風褸局部有明顯嘅有機污漬(例如咖啡漬、泥土印等)需要加強清潔,可以用少量機能衣物專用去污劑,喺40度嘅溫水入面溶解後,將溶液慢慢加喺髒污位置上面,針對性去清除污漬(唔好浸泡超過1個鐘),徹底沖洗後再用上述方式清潔護理,就可以啦!👍🏻

 

 

 

2022年係Mammut 160週年,

Mammut對全球消費者有個重要呼籲:

#ResponsibleMountaineering

(責任登山:登山要對環境和安全負責任!)

 

妥善保養衣物唔單止對環境友善、仲可以確保戶外活動嘅安全同舒適,絕對係負責任嘅表現!大家就一齊努力啦!